FLAVIANA MATATA AKUMBUKA MBALI

Mwanamitindo maarufu wa Tanzania, Flaviana Matata akibubujikwa na machozi wakati wa ibada ya kuwakumbuka watu waliofariki katika ajali ya meli ya MV Bukoba iliyotokea miaka 16 iliyopita kwenye Ziwa Victoria. Ibada hiyo ilifanyika mwishoni mwa wiki iliyopita kwenye makaburi ya Igoma mjini Mwanza. Mrembo huyo, ambaye alimpoteza mama yake kutokana na ajali hiyo, alitoa misaada ya vifaa mbalimbali vya kujikinga na ajali.