Simba yapokewa kwa shangwe Mwanza

KIKOSI cha timu ya soka ya Simba kimewasili mjini Mwanza leo asubuhi kwa ziara ya mechi mbili za kirafiki katika mikoa ya kanda ya ziwa.

Ofisa Habari wa Simba, Ezekiel Kamwaga amesema leo kuwa, timu hiyo ilipata mapokezi makubwa badaa ya kuwasili Mwanza kwa ndege ya Shirika la Ndege la Tanzania (ATC).

Kamwaga alisema timu hiyo itacheza mechi yake ya kwanza kesho kwa kumenyana na Toto African kwenye Uwanja wa CCM Kirumba mjini Mwanza.

Kwa mujibu wa Kamwaga, mabingwa hao wa Tanzania Bara watacheza mechi ya pili Jumapili kwa kumenyana na Express ya Uganda kwenye uwanja wa Kambarage mjini Shinyanga.