Jim Iyke atanua na magari ya kifahari

LAGOS, Nigeria
MWIGIZAJI mwenye mvuto nchini Nigeria, Jim Iyke ameendelea kudhihirisha jinsi alivyo mtu wa matanuzi baada ya kununua magari mawili ya kifahari yenye thamani ya dola 100,000 za Marekani.
Mbali na kununua magari, Jim amejenga jumba la kifahari mjini Abuja, ambalo thamani yake inakadiriwa kufika Naira milioni 90 za Nigeria.
Magari hayo mawili ni mwendelezo wa vitu kadhaa vya thamani, ambavyo mcheza filamu huyo amevinunua katika siku za hivi karibuni. Magari yaliyonunuliwa na Jim, ambayo yote mawili yapo wazi kwa juu ni aina ya Plymouth Prowler na Camero SS yaliyotengenezwa mwaka huu.
Jim amekuwa mtu wa pili kumiliki gari aina ya Prowler katika mji wa Abuja na amekuwa wa kwanza kumiliki gari aina ya Camero.
Kwa mujibu wa watu wake wa karibu, amenunua gari aina ya Prowler kwa dola 45,000 za Marekani wakati gari aina ya Camero limemgharimu dola 55,000.
Imeelezwa kuwa, jumba la Jim lina maeneo manane kwa ajili ya wanaume, wanawake, vinywaji, watoto pamoja na sehemu za kutengeneza nywele na mapambo. Uzinduzi wa jumba lake hilo umepangwa kufanyika Novemba 12 mwaka huu na unatarajiwa kuhudhuriwa na watu mbalimbali maarufu, akiwemo Gavana wa Abuja, Rochas Okorocha.

AKI APATA JIKO, KUFUNGA NDOA NOV 26

LAGOS, Nigeria
MCHEZA filamu machachari wa Nollywood, Chinedu Ikedieze ‘Aki’ anatarajia kufunga ndoa hivi karibuni.
Aki anatarajia kufunga ndoa ya kimila na mchumba wake, Nneoma nyumbani kwao Mbano katika Jimbo la Imo.
Watu walio karibu na mcheza sinema huyo wamesema, ndoa hiyo inatarajiwa kufungwa Novemba 26 mwaka huu.
Kwa mujibu wa watu hao, watu mbalimbali wakiwemo familia, marafiki na ndugu wa karibu wa Aki wanatarajiwa kushuhudia ndoa hiyo.
Ndoa hiyo ya kimila, itafuatiwa na sherehe babu kubwa, zilizopangwa kufanyika Desemba 10 mwaka huu mjini Lagos.
Aki ni mmoja wa wachezaji filamu waliojipatia sifa na umaarufu mkubwa nchini Nigeria, kutokana na umbile lake na uigizaji wake.
Amekuwa akicheza filamu nyingi kwa kushirikiana na pacha wake, Osita Iheme, ambaye wanafanana kwa maumbo na vituko.
Wote wawili walianza kucheza filamu pamoja mwaka 2003 na filamu iliyowapatia umaarufu mkubwa ni Aki na Ukwa.
Aki alizaliwa Desemba 12, 1977 katika mji wa Bende uliopo kwenye Jimbo la Abia. Amewahi kushinda tuzo nyingi za mwigizaji bora wa filamu nchini Nigeria na barani Afrika.

OSHA YAIPIGA JEKI SHIMIWI

Mwenyekiti wa SHIMIWI, Daniel Mwalusamba (kushoto) akipokea msaada wa kofia na miamvuli kutoka kwa Mwenyekiti wa Klabu ya Michezo ya Osha, Mary Makala katika hafla iliyofanyika juzi kwenye Uwanja wa Mkwakwani mjini Tanga. (Picha na Sophia Wakati)

TIMBE: Nitarudi Yanga

ALIYEKUWA Kocha Mkuu wa Yanga, Sam Timbe amesema hana deni na klabu hiyo na kwamba anatarajia kurejea nchini wakati wowote na kuendelea kuifundisha timu hiyo.
Timbe alisema hayo mwishoni mwa wiki iliyopita, saa chache kabla ya kupanda ndege kurejea kwao Uganda.
Kocha huyo aliyeziwesha timu tatu tofauti za Afrika Mashariki na Kati kutwaa Kombe la Kagame, aliondoka nchini kwa ndege ya Kenya Airways.
Timbe alisema anaushukuru uongozi wa Yanga kwa kuweza kumlipa fedha zote alizokuwa akiidai klabu hiyo baada ya kuvunja mkataba wake.
Hata hivyo, Timbe hakuwa tayari kutaja fedha alizolipwa, lakini habari kutoka ndani ya Yanga zimeeleza kuwa, amelipwa zaidi ya sh. milioni 30.
“Sijutii kukatishwa mkataba wangu, hiki ni kitu cha kawaida kwetu, leo naondoka, lakini kesho naweza kurudi kama Papic (Kostadi-kocha wa sasa Yanga),”alisema.
Timbe alisema anashukuru kwa ushirikiano mzuri alioupata kutoka kwa baadhi ya viongozi na wachezaji wa timu hiyo na kusisitiza kuwa, anaondoka bila ya kuwa na kinyongo na mtu yeyote.
Uongozi wa Yanga uliamua kukatisha mkataba wa Timbe kwa madai kuwa, alikuwa haelewani na wachezaji na pia alikuwa akikataa kufuata maagizo ya mabosi wake.
Kocha huyo alitoa usia kwa mchezaji chipukizi wa Yanga, Idrisa Rajabu, akimtaka awe mwangalifu na kuzingatia mafunzo ya makocha kwa vile ana kipaji cha juu cha uchezaji soka.
Alisema kutokana na umri wake mdogo, Idrisa ana uwezo wa kucheza soka kwa miaka mingi na kwa kiwango cha juu iwapo atafuata miiko ya mchezo huo.
“Idrisa ni kijana mdogo, aepuke kuzungumza sana na vyombo vya habari, asilewe sifa mapema, namtabiria atakuwa nyota baadaye,”alisema.

Yondani aota mbawa Yanga

UONGOZI wa klabu ya Simba umemalizana na beki wake mahiri, Kevin Yondani na kufikia makubaliano ya kuendelea kuichezea timu hiyo msimu ujao.
Habari kutoka ndani ya Simba zimeeleza kuwa, beki huyo alifanya mazungumzo na baadhi ya viongozi wa juu wa klabu hiyo wiki iliyopita na kufikia uamuzi wa kumaliza tofauti kati yao.
Kwa mujibu wa habari hizo, mazungumzo hayo yalikwenda vizuri na Yondani amekubali kuendelea kuichezea timu hiyo msimu ujao.
Yondani aligoma kuripoti kwenye kambi ya timu hiyo kwa wiki kadhaa kwa kile kilichodaiwa kuwa, hajamaliziwa fedha zake za usajili.
Kugoma kwa Yondani kujiunga na Simba, kulizusha hisia kuwa, huenda akajiunga na mahasimu wao Yanga wakati wa usajili wa dirisha dogo.
Hata hivyo, baadhi ya wajumbe wa kamati ya usajili ya Yanga walikaririwa jana wakisema kuwa, hawawezi kulipa fedha nyingi kwa ajili ya kumsajili beki huyo, badala yake watasubiri mkataba wake Simba umalizike.
Mkataba wa Yondani kuichezea Simba unatarajiwa kumalizika baada ya msimu huu na uongozi wa klabu hiyo umekaririwa ukisema kuwa, upo tayari kumuuza kwa dola 100,000 za Marekani (sh. milioni 17).
“Tatizo la Yondani limeshamalizika, tutakuwa naye katika mzunguko wa pili wa ligi kuu na upo uwezekano mkubwa akaendelea kuwa na Simba msimu ujao,” alisema kiongozi mmoja wa juu wa Simba alipozungumza na Burudani jana.
Hata hivyo, kiongozi huyo alikiri kuwa, bado Yondani hajajibu barua aliyoandikiwa ya kumtaka aeleze sababu za kushindwa kujiunga na timu hiyo wakati wa ligi.
“Ni kweli aliandikiwa barua na kukabidhiwa mkononi, lakini hadi ninapozungumza na wewe hivi sasa, hajajibu barua hiyo. Lakini nilicho na uhakika nacho ni kwamba, ameshamalizana na uongozi na tutaendelea kuwa naye msimu ujao,”alisema kiongozi huyo.
Wakati huo huo, Simba imesema itatangaza majina ya wachezaji wake watakaoachwa wakati wa usajili wa dirisha dogo baada ya kujadili ripoti ya Kocha Moses Basena.
Ofisa Habari wa Simba, Ezekiel Kamwaga alisema jana kuwa, ripoti ya kocha huyo, haikuweza kujadiliwa katika kikao cha kamati ya utendaji wiki iliyopita kutokana na kufiwa na mama yake mzazi.
Kamwaga alisema, mara baada ya Basena kurejea nchini, kamati ya utendaji itakutana kwa dharula kujadili ripoti yake kabla ya kutangaza majina ya wachezaji hao.
Basena ndiye aliyepewa jukumu la kupendekeza majina ya wachezaji watakaoachwa na wale wapya watakaosajiliwa wakati wa dirisha dogo.
Tayari Simba imeshatangaza kumwacha kiungo wake, Jerry Santo, aliyepata timu barani Asia na nafasi yake itachukuliwa na Derreck Walulya. Klabu hiyo pia imetangaza kuwa, itawapandisha daraja wachezaji wanne wa kikosi cha pili.

Miss Venezuela crowned Miss World 2011

A woman who spent five years studying in a nunnery and once dreamt of becoming a nun has been crowned Miss World 2011.
Miss Venezuela, Ivian Lunasol Sarcos Colmenares, beat contestants from 113 countries to the coveted title after impressing the judges in the categories of beach beauty, top model, talent, sports, and beauty with a purpose - where the contestants must demonstrate involvement in a charity project.
Ms Sarcos Colmenares, 21, was orphaned at a young age and spent five years studying at a nunnery. She dreamt of becoming a nun but her life took a different direction, as she gained a degree in human resources and worked for a broadcasting company before becoming a beauty queen.
Runners were Miss Puerto Rico, Amanda Victoria Vilanova Perez and Miss Philippines, Gwendoline Gaelle Sandrine Ruais
She was the favourite for the Miss World title going into the final at Earls Court, London, yesterday evening but reacted with delight and disbelief when she was announced as the winner of the famous beauty pageant. Now she said she wants to use her title to help other people.
She said: 'Winning means everything to me and I hope to take advantage of being a winner in a productive manner. I’m unbelievably happy to have won and there are some incredible girls. I first and foremost want to help people in need. I would like to help people like me. I am an orphan. I would also like to help the elderly and troubled teenagers. As many people as I can.
'Unfortunately I lost both my parents at a very young age which led me to study for five years in a nunnery. I spent my five years in there and my dream was to become a nun.'
Billions from around the world tuned into see her crowned the winner while the runners up prizes went to Miss Philippines and Miss Puerto Rico. Fans who were unable to follow the final on television were kept up-to-date on the internet via live streaming and Facebook updates and tweets.
Representing the UK, Miss England, Alize Moutler, and Miss Scotland, Jennifer Reogh, both made it into the top seven. But Miss Wales, Sara Manchipp, and Miss Northern Ireland, Finola Guinnane, did not make it to the semi-final.
This was the 60th year of the beauty pageant and to celebrate its diamond anniversary, it returned to the city where it all began. The first was held in London in 1951 during the Festival of Britain on the South Bank of the River Thames.
But throughout its 60 year history, the beauty competition has attracted critics as well as fans.This year was no different and campaign groups, including London Feminist Network, Object and UK Feminista, voiced their opposition to the 'sexist contest'.
A statement on the London Feminist Network website rallied women to join a protest they held at Earls Court while the competition was taking place.
A statement on their website said: 'Let the organisers and all those profiting from the event know that we are all angry that such an event is once again being held here in London.
'Bring placards, banners and raise your voice against this appalling offence against women's equality. Let them know loud and clear that this event has no place in London in 2011.'But Miss England director Angie Beasley disagreed with their sentiments and said the contest 'had changed with the times' because it was no longer just about looking good in swimwear.
She said: 'There is a talent, sports and Beauty With A Purpose round, which is the fundraising round, in the contest and the girls love taking part.
'Yes they have to look great to win but it's so much more than a beauty contest. These people should give it a chance instead of thinking it's just a bikini parade.
'I'm all for women standing up for what they believe in which is why I run Miss England but I'm fed up of these protesters trying to bully us and push us around.
'We live in a free society where women have the right to choose. The contestants in Miss World are quite capable of making up their own minds if they want to enter or not and protesters shouldn't keep criticising the same decision. If you don't like it, don't watch it.'
The message that the competition is now about brains as well as beauty was shown by figures that revealed out of this year's contestants, more than half are studying for a degree, one in four are graduates and more than half speak at least three languages.
The contest was also revealed to have the support of Nelson Mandela. He sent a message which was read out during the final sending his greetings to all the contestants and congratulating them on their efforts for charities.
TV presenter Bruce Forsyth also took to the stage with his wife, Wilnelia Merced, who was crowned Miss World in 1975, while dance group Diversity and boyband Blue performed for the worldwide audience.
In her new role, Miss Venezuela will now spend the year visiting and supporting a range of global charity projects supported by Miss World's Beauty With A Purpose programme.

WAPIGIENI KURA WANAMICHEZO HAWA

Kwa kipindi cha wiki nne sasa, blogu yenu ya liwazozito imeamua kuendesha kura ya kumteua mwanamichezo bora wa Tanzania katika miaka 50 iliyopita. Uteuzi wa mwanamichezo huyo ni sehemu ya shamrashamra za miaka 50 ya Uhuru, ambazo zinatarajiwa kufikia tamati Desemba 9 mwaka huu.

Wanamichezo wanaoshindanishwa na blogu hii kwa ajili ya kuwania tuzo hiyo ni mwanariadha nyota na bingwa wa zamani wa mbio za mita 1500 duniani, Filbert Bayi, bondia mkongwe Habibu Kinyogoli, ambaye aliwahi kushinda medali ya fedha katika michezo ya Jumuia ya Madola na wanasoka Jella Mtagwa na Peter Tino, walioiwezesha Tanzania kufuzu kucheza fainali za Afrika za mwaka 1980 zilizofanyika nchini Nigeria.

Nawaomba muendelee kuwapigia kura wanamichezo hawa ili hatimaye tuweze kumpata mshindi. Iwapo mambo yatakwenda vizuri, mshindi wa tuzo hii atapatiwa zawadi maalumu na mmiliki wa blogu hii.

Nawashukuru wale wote, ambao wameshapiga kura zao hadi sasa. Nawaomba wale, ambao hawajafanya hivyo, muda uliobaki ni mchache. Pia nawaomba wale, ambao wangependa kujitokeza kutoa tuzo kwa mwanamichezo bora wa miaka 50, wajitokeze kudhamini tuzo hii.

Mmiliki wa blogu ya liwazozito,
Rashid Zahor (Ramoza).

PAPIC: Nimerejea Yanga na mambo mapya

SWALI: Uongozi wa klabu ya Yanga umekurejesha kwa ajili ya kuinoa timu hiyo. Je, una jambo gani jipya kwa ajili ya Yanga?
JIBU: Namshukuru Mungu kwa kuniwezesha kurejea kuifundisha Yanga. Nimerudi na mambo mengi mapya, ikiwa ni pamoja na kukiimarisha kikosi cha Yanga ili kiweze kufanya vizuri katika michuano ya ligi na kimataifa.
Lakini kazi hiyo itakamilika vizuri iwapo nitapata ushirikiano mkubwa kutoka kwa uongozi, wanachama na mashabiki wa Yanga.
Unajua mafanikio katika mchezo wa soka yanaanzia kwenye maandalizi, ambalo ni jukumu la uongozi kuhakikisha timu inaingiza kambini na huduma kwa wachezaji zinakuwa nzuri. Pia kukiwa na umoja, lazima mambo yaende vizuri.
SWALI: Ulipoondoka Yanga, kocha mwenzako, Sam Timbe aliiwezesha kutwaa ubingwa wa bara na kombe la kagame. Umejipanga vipi katika kuendeleza rekodi hizo?
JIBU: Nampongeza sana kocha huyu kwa kuipa ubingwa Yanga. Naweza kusema ameniachia changamoto moja kubwa kwamba, ni lazima nihakikishe ubingwa unaendelea kubaki Yanga.
Vilevile ninakabiliwa na jukumu zito la kukisuka kikosi cha Yanga ili kiweze kufanya vizuri katika michuano ya klabu bingwa Afrika baada ya kutolewa mapema msimu uliopita.
Ninachokifanya kwa sasa ni kuangalia kasoro zilizopo kwenye kikosi changu ili niweze kuzifanyiakazi, hasa katika usajili wa dirisha dogo.
Nitaangalia ni sehemu zipi katika timu zenye udhaifu ili niweze kutoa taarifa kwa uongozi na kutafuta wachezaji wa kuongeza nguvu.
SWALI: Kuna malalamiko kutoka kwa mashabiki wa Yanga kwamba, baadhi ya wachezaji waliosajiliwa msimu huu uwezo wao ni mdogo na mchezaji anayetajwa zaidi ni David Mwape. Una maoni gani kuhusu malalamiko haya?
JIBU: Unajua watu wengi hawafahamu umuhimu wa Davies Mwape. Kwangu mimi ni mchezaji muhimu sana na ambaye anaweza kuwachosha mabeki wa timu pinzani.
Anapokuwa uwanjani, Mwape anakuwa na kazi maalumu na ndio maana nilimsajili msimu uliopita kwa ajili ya kuongeza nguvu katika ushambuliaji na aliweza kupachika mabao mengi.
Bado nina imani mchezaji huyu ataweza kuisaidia Yanga kwenye michuano ya ligi kuu msimu huu na hata klabu bingwa Afrika.
Lakini napenda kuwaeleza mashabiki wa soka wa Tanzania wabadilike kwa vile soka hivi sasa ina mabadiliko makubwa sio kama zamani.
Siyo siri kwamba, inanibidi nifanye kazi ya kusajili baadhi ya wachezaji wapya ili timu yangu iweze kuendelea kufanya vizuri katika mashindano mbalimbali.
Nitasajili wachezaji watatu wa ndani ya nchi ili niweze kupata matokeo mazuri zaidi. Suala la kusajili wachezaji kutoka nje kwa sasa halipo akilini mwangu.
SWALI: Mwishoni mwa wiki iliyopita, uliingoza Yanga kuifunga Simba bao 1-0 katika mechi ya ligi kuu ya Tanzania Bara. Nini siri ya mafanikio haya?
JIBU: Nilijua wazi kwamba lazima utaniuliza swali hili. Napenda kuwapongeza wapenzi wote wa Yanga, wachezaji pamoja na viongozi kwa ushindi huu.
Siri ya ushindi huu ni kuwepo kwa umoja miongoni mwa viongozi, wanachama na wachezaji na huu ndio uliochangia kupatikana kwa matokeo hayo mazuri.
Iwapo viongozi na wanachama wataendelea kushikamana kama ilivyo sasa, nina hakika Yanga itaendelea kuifunga Simba kwa miaka mingi zaidi. Umoja ni muhimu sana.

Shilole aingizwa mjini

MWANADADA anayekuja juu katika tasnia ya filamu za kibongo, Zuwena Mohamed ‘Shilole’ amelalamikia kitendo cha muongozaji mmoja wa filamu nchini kuipa filamu yake jina lake.
Shilole alisema mjini Dar es Salaam wiki hii kuwa, hakuna na makubaliano yoyote na mwongozaji huyo wa filamu, kuipa filamu hiyo jina lake.
Alisema makubaliano yake na wadhamini wa filamu hiyo, yalikuwa ni kushiriki kuicheza, si vinginevyo.
Mwanadada huyo alisema kitendo cha mwongozaji huyo kuipa filamu hiyo jina lake, kimewafanya waandaaji kumtuhumu kwamba ameshirikiana naye kuwatapeli.
Shilole alisema kitendo cha muongozaji huyo wa filamu ni sawa na kumuingiza mjini kwa vile ametumia jina lake kibiashara.
“Mimi niliingia mkataba wa kuigiza, sio jina langu ndilo liwe jina la filamu,”alisema mwanadada huyo.
Shilole alisema baada ya kumaliza kazi ya kuigiza filamu hiyo, alijua mkataba wake ndio umemalizika kwa vile hakukuwa na makubaliano mengine kati yao.
“Kitendo hiki kimenikera sana kwa vile ni cha kitapeli. Namshangaa sana huyu mtu kwa kutumia jina langu katika filamu hiyo bila kunishirikisha,”alisema.
Kwa mujibu wa Shilole, mtu huyo ndiye aliyepewa jukumu la kuandaa filamu hiyo na kutafuta waigizaji nyota na alilipwa pesa zote na waandaaji.
Alisema awali, filamu hiyo ilikuwa na jina lingine, lakini mtu huyo aliamua kulibadili na kuiingiza sokoni bila ridhaa ya waandaaji.

Siwezi kumsahau baba-Osita

LAGOS, Nigeria
MCHEZA filamu machachari wa Nigeria, Osita Iheme amesema bado ana huzuni kubwa ya kufiwa na baba yake mzazi tangu akiwa mdogo na amekuwa akimjia ndotoni mara kwa mara.
Akihojiwa na gazeti la Entertainment Express la Nigeria hivi karibuni, Osita alisema baba yake alifariki mwaka 1990 katika mazingira ya kutatanisha.
Osita, ambaye ni maarufu zaidi kwa jina la Ukwa alisema, wakati wa kifo hicho, alikuwa bado mdogo mno kiumri, hivyo hana kumbukumbu nzuri.
Hata hivyo, Osita alisema siku ya kifo chake, ilimjia ndoto usingizini kuhusu kifo hicho na alipowaeleza ndugu zake, walishangaa kwa sababu kilishatokea.
“Tulikuwa tukiishi Aba, lakini baba yangu akifia kijijini kwetu. Siwezi kusema mimi ni mtu wa miujiza, lakini Mungu anazo njia zake za kuwasiliana nami kupitia kwenye ndoto,”alisema Osita, ambaye amecheza filamu zaidi ya 50.
“Siwezi kuzungumza mengi kuhusu yeye kwa sababu wakati anafariki, nilikuwa bado mdogo. Nilichokuja kubaini baadaye ni kwamba, alikuwa mfanyabiashara aliyekuwa akisafiri mara kwa mara, akiuza bidhaa mbalimbali,”alisema.
“Alikuwa akihakikisha kwamba, watoto wake wanakua vizuri. Alitupa malezi mazuri na kutufundisha kumwabudu Mungu. Alikuwa baba wa aina yake,”aliongeza.
Kwa mujibu wa Osita, saa chache kabla ya kifo chake, baba yao, ambaye alikuwa kiongozi katika jamii yao, aliaga kwamba anakwenda kijijini kwao, lakini siku iliyofuata, wakapelekewa taarifa kwamba amefariki.
Osita alisema yeye ndiye aliyerithi tabia ya kujiamini aliyokuwa nayo baba yake, ambaye amemwelezea kuwa, alikuwa na akili nyingi na aliweza kumkabili yeyote na kumweleza kosa alilofanya bila kumwogopa.
Mcheza filamu huyo alisema, kutokana na kufiwa na baba yake tangu akiwa mdogo, alipata malezi makubwa kutoka kwa mama yake, ikiwa ni pamoja na kujifunza mengi kutoka kwake.
“Kila kitu kinachoonekana katika mwonekano wangu, nimekipata kutoka kwa mama yangu. Alikuwa na majukumu mengi kwetu, kutulisha na mengineyo,” alisema.
“Nilisikitika kumkosa baba kwa sababu nakumbuka hadithi nilizokuwa nikisimuliwa na kaka yangu jinsi alivyokuwa akiwafundisha kuwa na nidhamu. Kwa upande wake, mama hakuwa mkorofi,”aliongeza.
Osita alisema siku moja kabla ya kifo cha baba yake, ilimjia ndoto, ambapo alimuota akiwa amekufa na amekuwa akimjia ndotoni mara kwa mara
Alipoulizwa anamudu vipi kejeli kutoka kwa watu mbalimbali kuhusu umbile lake, Osita alisema kamwe huwa hajali na kuyapa uzito yale watu wanayoyasema kuhusu yeye.
Osita alisema anatarajia kufunga ndoa hivi karibuni, lakini bado hajapata mchumba na hajui karata hiyo itamwangukia nani.
“Ninachoweza kusema ni kwamba, wapo wengi pichani, ninaowafikiria. Lakini nikiwa mwanaume kijana, ninaye mmoja ninayemfikiria,”alisema.
Osita ni mmoja wa waigizaji bora wa kizazi chake nchini Nigeria. Amejipatia umaarufu mkubwa kutokana na kucheza filamu nyingine akiwa na Chinedu Ikedieze.
Mwaka 2007, mcheza filamu huyo alishinda tuzo ya mwigizaji bora wa AMAA. Osita anachukuliwa kuwa ni mmoja wa waigizaji maarufu zaidi nchini Nigeria.

Mzee Yussuf amzawadia Isha Mashauzi pipi ya kijiti

SHANGWE, vifijo, hoihoi na nderemo vilitawala mwishoni mwa wiki iliyopita wakati vikundi vya taarab vya Jahazi na Mashauzi Classic vilipofanya onyesho la pamoja.
Onyesho hilo la aina yake, lilifanyika katika ukumbi wa hoteli ya Travertine uliopo Magomeni mjini Dar es Salaam na kuhudhuriwa na mashabiki lukuki.
Kivutio kikubwa katika onyesho hilo walikuwa kiongozi wa Jahazi, Mzee Yussuf ‘Mfalme’ na kiongozi wa Mashauzi Classic, Isha Mashauzi ‘Jike la Simba’.
Isha, ambaye ni mwimbaji mashuhuri wa nyimbo za taarab, alitumia onyesho hilo kumuomba radhi Yussuf kutokana na kitendo chake cha kujiengua katika kundi hilo bila kuaga.
Baada ya kujiengua katika kundi la Jahazi, Isha ambaye alikuwa miongoni mwa waimbaji tegemeo na kipenzi cha mashabiki wengi wa kundi hilo, alianzisha kundi lake la Mashauzi Classic.
Mashabiki walianza kufurika kwenye ukumbi huo kuanzia saa tatu usiku na hadi ilipotimia saa nne, walifurika pompni. Kundi la Jahazi lilikuwa la kwanza kupanda stejini na kuanza kutoa burudani.
Kama kawaida yake, kundi hilo lilianza kuporomosha nyimbo zake mpya na zile zinazotamba katika viunga vya burudani hivi sasa na kuwafanya mashabiki kuachia viti vyao na kujimwaga ukumbini kucheza.
Ilipotimia saa sita usiku, ndipo kundi la Mashauzi Classic lilipopanda stejini na kuanza kutoa burudani kwa mashabiki.Ni wakati huo, mwimbaji tegemeo wa kundi hilo, Mashauzi alipopanda stejini na kushangiliwa kwa mayowe mengi na mashabiki.
Akiwa stejini, Mashauzi alimwomba Yussuf ampatie zawadi aliyomuandalia. Kupanda jukwaani kwa Yussuf kuliamsha shangwe na nderemo katika ukumbi huo, ambapo Isha alipata nafasi ya kuzungumza na kiongozi huyo wa Jahazi.
Kabla ya Isha kusema lolote, Yussuf alitoa pipi ya kijiti na kumkabidhi mwimbaji huyo, aliyemlea katika medani ya muziki wa taarab.
"Siku zote zawadi ya mtoto ni pipi, kwa hiyo nakukabidhi zawadi yako mwanangu, nadhani umeipenda," alisema Yussuf huku akishangiliwa na mashabiki wengi.
Isha alipokea zawadi hiyo kwa heshima na kusema amefarijika na ameipokea kwa mikono miwili.
"Nakushukuru baba yangu kwa zawadi uliyonipatia, nimeipokea kwa mikono miwili na roho safi. Siku zote zawadi ya mtoto huwa pipi kwa hiyo nimeipokea," alisema.
Kwa mujibu wa Isha, hana ugomvi na Yussuf wala mwimbaji yeyote wa kundi la Jahazi na kuahidi kutoa ushirikiano wa hali na mali kwa kundi hilo linalosadikiwa kuwa na mashabiki wengi hapa nchini.
Alisema aliondoka katika kundi hilo kwa ajili ya kwenda kutafuta maisha na kwamba muda wowote anaweza kurudi na anaamini hawezi kuzuiliwa na mtu yoyote. Isha aliambatana na mama yake mzazi, Rukia Juma.
"Niliondoka kwenda kutafuta maisha, lakini muda wowote maisha yakinishinda, nitarejea nyumbani. Ng'ombe akivunjika mguu malishoni, hurejea zizini kusaidiwa," alisema.
Kwa upande wake, Yussuf alimuhakikishia muimbaji huyo kwamba Jahazi ni nyumbani kwake na anaweza kurejea wakati wowote atakapojisia kufanya hivyo.
"Mtu kwao anaweza kuondoka na kurudi wakati wowote na wewe unaweza kurudi wakati wowote unapohitaji kurudi, karibu na nitakupokea kwa mikono miwili," alisema.
Yussuf alisema amefarijika mno kumuona mtoto wake aliyemfundisha muziki anakiri kosa na kuomba radhi hadharani bila ya kushinikizwa na mtu yoyote.
Alisema kitendo alichofanya muimbaji huyo ni cha kiungwana na kinahitaji kuigwa na wasanii wengine na kwamba ni wachache wenye moyo kama wa Isha.
Yussuf alimpa ofa maalumu muimbaji huyo ambapo alimwambia atakuwa miongoni mwa watakaomsindikiza katika uzinduzi wa albamu mpya ya Jahazi ya 'Mpenzi Chokleti' itakayozinduliwa Desemba 24, mwaka huu.
Baada ya Isha kutoa maneno mafupi ya kumuomba radhi kiongozi huyo wa Jahazi, alimkabidhi zawadi maalumu ya ngao iliyochorwa kwa ustadi mkubwa.
Ngao hiyo ina nembo ya kundi la Jahazi, picha ya Yussuf na Isha huku maandishi yake yakiwa na ujumbe mbalimbali.
Tukio lililowavutia mashabiki wengi katika usiku huo maalumu uliopewa jina la 'Usiku wa baba na mwana' ni pale Isha alipopanda jukwaani akiwa amevalia jezi za timu ya Yanga.
Muimbaji huyo alisema ameamua kuvaa jezi za klabu hiyo kwa sababu ya kusherehekea ushindi wa Yanga dhidi ya Simba na pia kumpongeza Yussuf, ambaye ni mjumbe wa kamati ya utendaji ya klabu hiyo.
"Kwa vile baba yangu ni Yanga, nimeamua kuvaa jezi za klabu ya baba yangu kuonyesha mapenzi niliyonayo kwake. Yanga oyeeeeeee," alisema.
Wimbo wa 'Mpenzi Chokleti' ulioimbwa na Yussuf ndio uliofunika katika onyesho hilo na kuacha gumzo kwa mashabiki kutokana na kupangiliwa sauti na ala kwa utaalamu mkubwa.

KUMBE MZEE MWINYI NI MAN UTD?

RAIS Mstaafu Ali Hassan Mwinyi akipokea zawadi ya fulana ya Manchester United kutoka kwa mchezaji nyota wa zamani wa klabu hiyo, Bryan Robson (kulia) wakati mchezaji huyo alipokuja kuzindua kliniki ya Airtel Raising Star mwishoni mwa wiki iliyopita. Kushoto ni Mkurugenzi Mtendaji wa Kampuni ya Airtel, Sam Elangalloor.

Hatuna papara ya kurekodi nyimbo mpya-Omar Tego

KIONGOZI wa kikundi cha taarab cha Coast Modern cha mjini Dar es salaam, Omar Tego amesema hawana papara ya kurekodi nyimbo mpya kila mara kwa sababu wanafanyakazi zao kiuhakika.
Akizungumza mjini Dar es Salaam wiki hii, Tego alisema utaratibu wa kikundi chake ni kurekodi albamu moja kila mwaka ili kuwapa mashabiki burudani iliyokamilika.
Tego alisema nyimbo nyingi za taarab zimekuwa zikiisha utamu mapema kutokana na watunzi na waimbaji wake kurekodi kila baada ya muda mfupi.
“Wasanii wengi wa taarab wanapenda kuharakisha kurekodi nyimbo zao ndio sababu zinachuja mapema. Wimbo haujamaliza miezi minne, unatolewa mwingine. Huwezi kurekodi nyimbo nzuri katika mazingira haya,”alisema.
Tego, ambaye amekuwa akirekodi baadhi ya nyimbo zake kwa ushirikiano na dada yake, Maua Tego alisema, albamu yake ya Damu Nzito bado ipo kwenye chati kwa sababu vibao vilivyomo ndani yake viliandaliwa kiuhakika.
Alisema licha ya albamu hiyo kurekodiwa mwaka mmoja uliopita, hadi sasa mashabiki bado wanazipenda nyimbo zake kwa sababu alitumia akili nyingi katika kuzitengeneza.
Alisema kwa sasa, kikundi chake kinajiandaa kurekodi albamu mpya, itakayojulikana kwa jina la Mapenzi.Com, ambayo inatarajiwa kuingia sokoni mwishoni mwa mwaka huu.
“Unapotaka kutoa kitu kipya, unatakiwa uhakikishe kwamba kinakuwa moto kwa sababu ushindani hivi sasa ni mkubwa kutokana na vikundi vya taarab kuwa vingi,”alisema.
Tego alisema pia kuwa, kikundi chake hupendelea zaidi kufanya maonyesho kwenye kumbi za uswahilini na mikoani kwa lengo la kuwapa burudani mashabiki wengi zaidi.
Kwa mujibu wa Tego, kikundi hicho kilitarajiwa kuondoka Dar es Salaam mwanzoni mwa mwezi huu kwenda Lindi kwa ziara ndefu ya kimuziki.
Alisema ziara hiyo inatarajiwa kuwafikisha katika miji ya Newala, Masasi, Luangwa na Kilwa. Alisema wakati wa sikukuu ya Idd El Hajj, kikundi hicho kitafanya onyesho Kilwa.
Amewataka wasanii wa taarab nchini kuacha tabia ya kurekodi nyimbo zao kwa kulipua, badala yake washushe tungo za uhakika ili waweze kuwapa mashabiki wao burudani iliyokamilika.
Naye Maua alisema lengo lake ni kuendelea kuimba nyimbo zinazofikisha ujumbe kwa jamii, ndio sababu nyimbo zake za Gubu la wifi na Kukupenda isiwe tabu bado zipo kwenye chati.
“Napenda kuwaambia mashabiki wangu kwamba sijalala, nitaendelea kuwepo na kazi zangu ni za uhakika, sikurupuki kutoa nyimbo mpya,”alisema.

Stars kuanza kambi leo

TIMU ya soka ya Taifa, Taifa Stars inatarajiwa kuingia kambini leo kwa ajili ya kujiandaa na mchezo wake wa michuano ya awali ya Kombe la Dunia dhidi ya Chad.
Taifa Stars na Chad zinatarajiwa kumenyana Novemba 11 mwaka huu mjini Nd’jamena kabla ya kurudiana wiki mbili baadaye mjini Dar es Salaam.
Taarifa iliyotolewa na Shirikisho la Soka Tanzania (TFF) jana ilieleza kuwa, wachezaji wanatakiwa kuripoti kambini leo, isipokuwa wale wanaocheza soka ya kulipwa nje, ambao wataanza kuingia kambini keshokutwa.
Ofisa Habari wa TFF, Boniface Wambura amesema, kambi ya Taifa Stars itakuwa kwenye hoteli ya New Africa na mazoezi yatafanyika uwanja wa Kumbukumbu ya Karume, Dar es Salaam.
Wambura alisema, timu hiyo inatarajiwa kwenda N’Djamena Novemba 8 mwaka huu.
Alisema waamuzi waliopangwa kuchezesha mechi hiyo wanatoka nchini Nigeria. Liwataja waamuzi hao kuwa ni Bunmi Ogunkolade, Tunde Abidoye, Baba Abel na Abubakar Ago.
Mtathimini wa waamuzi atakuwa Idrissa Sarr kutoka Mauritania wakati kamishna wa mchezo huo ni Hamid Haddadj kutoka Algeria.
Wachezaji walioteuliwa kwenye kikosi cha Taifa Stars ni makipa Juma Kaseja (Simba) na Mwadini Ally (Azam).
Wengine ni Aggrey Morris (Azam), Juma Nyoso (Simba), Idrissa Rajab (Sofapaka, Kenya), Erasto Nyoni (Azam), Nadir Haroub (Yanga) na Godfrey Taita wa Yanga.
Wachezaji wengine ni Juma Jabu (Simba), Henry Joseph (Kongsvinger IL, Norway), Nurdin Bakari (Yanga), Shabani Nditi (Mtibwa Sugar), Abdi Kassim (DT Long An, Vietnam), Ramadhan Chombo (Azam) na Shomari Kapombe (Simba). Wakali wengine ni Nizar Khalfan (Vancouver Whitecaps, Canada), Mrisho Ngassa (Azam), Mbwana Samata na Thomas Ulimwengu(TP Mazembe, DR Congo), Dan Mrwanda (DT Long An, Vietnam), Athuman Machupa (Vasalund IF, Sweden), na Hussein Javu (Mtibwa Sugar).

Simba yapata kocha mpya

KLABU ya Simba kesho inatarajiwa kumtangaza rasmi kocha mkuu mpya, atakayechukua nafasi ya kocha wa zamani, Moses Basena kutoka Uganda.
Habari kutoka ndani ya Simba zilieleza jana kuwa, kocha huyo atatangazwa baada ya uchambuzi utakaofanywa na kikao cha kamati ya utendaji.
Kwa mujibu wa habari hizo, makocha watatu wamependekezwa kurithi mikoba ya Basena, ambaye mkataba wake umesitishwa.
Hata hivyo, kocha anayepewa nafasi kubwa ni Cirkovic Milovan kutoka Serbia, ambaye aliwahi kuifundisha Simba mwaka juzi kabla ya kuondoka katika mazingira ya kutatanisha.
Makocha wengine wanaopewa nafasi hiyo, majina yao hayakuweza kupatikana, lakini imeelezwa kuwa, waliwahi kuzifundisha timu za Kaizer Chiefs ya Afrika Kusini na Enyimba ya Nigeria.
Milovan anapewa nafasi kubwa ya kurejea Simba kutokana na kuungwa mkono na wajumbe wengi wa kamati ya utendaji.
Kocha huyo kutoka Serbia aliwahi kuifundisha Simba kwa miezi mitatu, akiziba pengo la Patrick Phiri kutoka Zambia, ambaye alichelewa kurejea nchini kutoka kwao Zambia, alikokwenda kwa mapumziko.
Simba imesitisha mkataba wa Basena, siku chache baada ya kuchapwa bao 1-0 na watani wao wa jadi Yanga, katika mechi ya mzunguko wa kwanza wa ligi kuu ya Tanzania Bara, iliyochezwa mwishoni mwa wiki iliyopita kwenye Uwanja wa Taifa, Dar es Salaam.
Kocha huyo alikuwa akilalamikiwa na baadhi ya wachezaji kwa madai kuwa, mfumo wake wa ufundishaji soka haueleweki.
Kwa sasa, Simba ipo chini ya mchezaji wa zamani wa timu hiyo, Selemani Matola huko Basena akiwa amerejea kwao Uganda kwa madai ya kuuguliwa na mama yake mzazi.
Mbali na kikao cha kesho kujadili ujio wa kocha mpya, pia kitajadili usajili wa nyongeza unaotarajiwa kuanza hivi karibuni. Kwa mujibu wa ratiba, usajili huo ulipaswa kuanza Novemba Mosi.

Tusker kudhamini Chalenji kwa mil. 823/-

Katibu Mkuu wa Shirikisho la Vyama vya Soka Afrika Mashariki na Kati (CECAFA), Nicholas Musonye (kulia), akipokea mfano wa hundi yenye thamani ya sh. milioni 823 kutoka kwa Mkurugenzi wa Kampuni ya Bia ya Serengeti (SBL), Richard Wells katika hafla iliyofanyika kwenye hoteli ya New Africa mjini Dar es salaam jana. Katikati ni Mwenyekiti wa Bodi ya Wakurugenzi ya SBL, Jaji Mark Bomani.(Na mpiga picha wetu).

KAMPUNI ya Bia ya Serengeti (SBL) imetangaza kudhamini tena michuano ya mwaka huu ya Kombe la Chalenji, inayotarajiwa kufanyika mjini Dar es Salaam.
Mkurugenzi Mkuu wa SBL, Richard Wells alisema mjini Dar es Salaam jana kuwa, wamepanga kutumia sh. milioni 823 kwa ajili ya kudhamini michuano hiyo.
SBL ilitangaza udhamini huo kati yake na Baraza la Vyama vya Soka Afrika Mashariki na Kati (CECAFA) kwenye hoteli ya New Africa mjini Dar es Salaam.
Richard alisema fedha hizo zitatumika kugharamia tiketi za ndege kwa msafara wote wa CECAFA, malazi, usafiri wa ndani, fedha za washindi na gharama zinginezo.
Mkurugenzi huyo alisema pia kuwa, fedha hizo zitatumika kuratibu waandishi wa habari na mahitaji mengine ya utawala.
Mashindano hayo, ambayo huendaliwa kila mwaka, yamepangwa kuanza Novemba 25 hadi Desemba 10 mwaka huu mjini Dar es Salaam.
Richard alisema udhamini huo ni mojawapo ya malengo yaliyowekwa na kampuni hiyo, yakiwa na nia ya kukuza na kuendeleza mchezo huo nchini.
Aliyataja malengo mengine ya SBL kuwa ni kukuza na kuinua vipaji vilivyopo mashariki na magharibi mwa Afrika.
“Udhamani huu unadhihirisha msimamo wa SBL kuwa kampuni inayowajibika kwa jamii inayoizunguka nchini na nchi jirani za kiafrika,”alisema.
“Tunajivunia kuwa wadhamini wakuu wa CECAFA na tunashukuru kupewa heshima hii na CECAFA pamoja na TFF,”aliongeza.
Mwenyekiti wa CECAFA, Leodegar Tenga aliishukuru SBL kwa udhamini huo na kuongeza kuwa, wana matumaini makubwa kwamba mashindano hayo yatafana.
Tenga alisema wamepanga kupeleka baadhi ya mechi za mashindano hayo mkoani Mwanza ili kuwapa burudani wakazi wa mikoa ya kanda ya Ziwa.
Hii ni mara ya pili mfululizo kwa SBL kudhamini mashindano hayo. Mwaka jana, ilitumia kiasi cha shilingi milioni 675, ambapo timu ya Tanzania Bara, ‘Kilimanjaro Stars’ iliiubuka mshindi.

Yanga yaipumulia Simba

SIMBA jana iliitibulia Yanga uwezekano wa kumaliza ligi hiyo ikiwa kileleni, baada ya kuilazimisha Moro United kutoka nayo sare ya mabao 3-3 katika mechi ya ligi kuu ya Tanzania Bara, iliyochezwa kwenye uwanja wa Chamazi, Dar es Salaam.
Mshambuliaji Salum Machaku ndiye aliyeinusuru Simba isiadhirike baada ya kuifungia bao la kusawazisha dakika ya 81 na kuifanya iambulie pointi moja.
Moro United itabidi ijilaumu kwa kushindwa kutoka uwanjani na ushindi kwani ilishawaweka mashabiki wa Simba roho juu baada ya kwenda mapumziko ikiwa mbele kwa mabao 3-1.
Kwa matokeo hayo, Simba imemaliza mechi za mzunguko wa kwanza ikiwa kileleni kwa tofauti ya pointi moja kati yake na Yanga, ambayo jana iliichapa Polisi Dodoma bao 1-0.
Simba imemaliza mzunguko huo ikiwa na pointi 28 baada ya kucheza mechi 13 huku ikiwa imefunga mabao 21 na kufungwa manane.
Yanga imeshika nafasi ya pili ikiwa na pointi 27 baada ya kucheza mechi 13, ikiwa imefunga mabao 20 na kufungwa tisa.
Iliwachukua Moro United dakika mbili kuhesabu bao la kwanza kupitia kwa Andrew Kasembe baada ya kuunganisha wavuni mpira wa krosi kutoka pembeni ya uwanja.
Simba ilisawazisha dakika ya 22 kwa bao lililofungwa kwa kichwa na Obadia Mungusa kabla ya Moro United kuongeza la pili dakika ya 43 kupitia kwa Kasembe, aliyewalamba chenga mabeki wawili pamoja na kipa Juma Kaseja.
Gaudence Mwaikimba aliifungia Moro United bao la tatu dakika ya 45 baada ya mabeki wa Simba kuzembe kumkaba. Timu hizo zilikwenda mapumziko Moro United ikiwa mbele kwa mabao 3-1.
Gervas Kago aliiongezea Simba bao la pili dakika ya 76 kwa shuti kali la mbali baada ya kupokea pasi kutoka kwa beki Juma Jabu.
Salum Machaku aliisawazishia Simba dakika ya 81 kwa bao la mpira wa adhabu, uliokwenda moja kwa moja wavuni huku mabeki wa Moro United na kipa wao, Lucheke Mussa wakiwa wameduwaa.
Moro United ililazimika kumaliza mchezo huo ikiwa na wachezaji 10 baada ya beki wake wa kulia, Salum Telela kutolewa nje kwa kadi nyekundu kwa kosa la kumchezea rafu mbaya Jonas Gerrard wa Simba.
Pambano hilo nusura liingie doa wakati wa mapumziko baada ya baadhi ya mashabiki wa Simba kutaka kuvamia ndani ya uwanja kwa lengo la kuwapiga wachezaji wao, wakiwatuhumu kucheza chini ya kiwango.
Ilibidi polisi wa kutuliza ghasia waingilie kati kwa kuwazuia mashabiki hao wasiingie ndani ya uwanja na hivyo kuifanya hali iwe shwari.
Kadhalika Makamu Mwenyekiti wa Simba, Geofrey Nyange alijikuta akiwa kwenye wakati mgumu baada ya baadhi ya wanachama na mashabiki wa klabu hiyo kumtolea lugha chafu.
Moro Utd: Lucheke Mussa, Salum Telela, Jaffer Gonga, Rajabu Zahir, Tumba Swedy, Omega Seme, Geofrey Wambura, Yahya Sharif/Rajabu Tahir, Gaudence Mwaikimba/Omari Gayo, Lambele Reuben, Andrew Kasembe/Bakari Mpakala.
Simba: Juma Kaseja, Shomari Kapombe, Juma Jabu, Obadia Mungusa, Juma Nyoso, Mwinyi Kazimoto/Gervas Kago, Patrick Mafisango, Ulimboka Mwakingwe/Jonath Gerrard, Felix Sunzu, Haruna Moshi, Salum Machaku.
Wakati huo huo, Yanga imemaliza mzunguko wa kwanza wa ligi hiyo kwa ushindi baada ya kuichapa Polisi bao 1-0 katika mechi iliyopigwa kwenye Uwanja wa Jamhuri.
Bao pekee na la ushindi la Yanga lilifungwa na mshambuliaji, Kenneth Asamoah dakika ya 44.

Dunia Daraja ya Twanga kuzinduliwa Jumapili

Hawa ndiyo watunzi wa nyimbo zilizomo katika albam ya Dunia Daraja ya bendi ya African Stars inayotarajiwa kuzinduliwa Novemba 6 mwaka huu kwenye viwanja vya Leaders Club jijini Dar es salaam.

Miss Tanzania atinga nusu fainali Beauty with Purpose

Miss Tanzania 2011, Salha Israel amefanikiwa kuingia nusu fainali ya taji la Urembo wenye malengo maalum (Beauty with Purpose) yaliyofanyika juzi nchini Uingereza.
Akizungumza kutoka London jana, Salha alisema kuwa katika taji hilo, mrembo huyo aliwasilisha kazi yake ya Jamii aliyoifanya kwenye hospitali ya Muhimbili ambako alisaidia watoto wenye matatizo ambao wanazaliwa chini ya mwezi moja.
Salha alisema kuwa katika shindano hilo, Salha aliwakilisha DVD inayonyesha jinsi gani alivyomsaidia mtoto aliyezaliwa kwenye hospitali hiyo huku akiwa na kidonda kikubwa mgongoni.
“Haikuwa kazi rahisi kwa majaji wa shindano hilo kuona ninavyofanya kazi ya kumsaidia mtoto huyo, ni kazi ambayo imewafanya waikubali kwani ipo katika majukumu ya Kamati ya Miss World mbali ya shindano lenyewe la urembo,” alisema Salha kwa njia ya simu.
Alisema kuwa amefarijika kuingia katika hatua hiyo ya 16 bora katika shindano hilo ambalo lilishirikisha jumla ya warembo 122 kutoka nchi mbali mbali.
“Ninachokisubiri sasa ni fainali ya taji hili ambapo mshindi ataingia moja kwa moja katika hatua ya nusu fainali ya mashindano hayo ambayo itashirikisha si chini ya warembo 20,” alisema. Kuhusiana na mashindano, Salha alisema kuwa mashindano ni magumu ukilinganisha na mashindano ya Miss Tanzania kutokana na mambo makubwa moja. Alisema kuwa sababu hiyo ni idadi ya washiriki ambao ni wengi ukilinganisha na warembo 30 wanaoshiriki Miss Tanzania na vile vile wapo bora zaidi kulinganisha na mashindano ya kitaifa.
“Ninawaomba Watanzania ni waniombee ili niweze kufanya vyema katika mashindano, ni magumu kwa kweli,” alisema.
Mkurugenzi wa Lino International Agency, Hashim "Uncle" Lundenga alimpongeza Salha kwa hatua hiyo na kusema japo anakabiliwa na kibarua kikubwa ili aweze kufanya vyema.
"Ni matokeo mazuri, lakini kazi bado ni kubwa, tunatakiwa kumwombea ili aweze kufanya vyema zaidi," alisema Lundenga.

KAMATI YA KUSIMAMIA LIGI KUU

Uamuzi wa kutenganisha usimamizi wa Ligi Kuu na mashindano mengine haukufanyika siku za karibuni. Ulifanyika mwaka 2006 wakati Kamati ya Utendaji ya Shirikisho la Mpira wa Miguu Tanzania (TFF) wakati ule ilipoamua kuwa hatua zichukuliwe kuboresha Ligi Kuu nchini na kupanga utaratibu mzuri wa kuisimamia peke yake.
TFF iliomba msaada wa kitaalamu kutoka FIFA ambayo ilikubali kutusaidia kwa kutujumuisha miongoni mwa wanachama wake watakaofaidika na Mpango Maalum wa Kuboresha Ligi Kuu za nchi wanachama wa FIFA. Tanzania ilikuwa miongini mwa nchi nane (8) za mwanzo kufaidika na mpango huo.
Semina ya kwanza ya FIFA juu ya uboreshaji wa Ligi Kuu iliyojumuisha viongozi wa klabu za Ligi Kuu ilifanyika mwaka 2007. Semina ile ilisisitiza haja ya kujenga msingi imara wa kuwa na Ligi Kuu bora.
Pamoja na mambo makubaliano yalifikiwa kuwa na Ligi ya Daraja la Kwanza ambayo itatoa fursa kwa timu kujitayarisha kwa ushindani endapo zitafanikiwa kuingia Ligi Kuu. Semina ya pili ya FIFA ilifanyika mwaka 2009 mjini Bagamoyo na ya tatu ilifanyika mjini Dar es Salaam mwaka 2010 mjini Dar es Salaam.
Semina hizi zilizaa makubaliano maalum, yanayofahamika kama ‘Maazimio ya Bagamoyo’ yanayozitaka timu za Ligi Kuu kutekeleza hatua kwa hatua masuala kadhaa muhimu kwa kuboresha utendaji wake na kujenga msingi wa kuendeleza kiwango cha mpira katika klabu. Hii ni pamoja na kuwa na watendaji wa kuajiriwa, timu za watoto, viwanja vya kuchezea, kufanya ukaguzi wa hesabu zao na kadhalika.
Katika semina hizi suala la usimamizi wa Ligi Kuu lilijadiliwa na kukubaliana kuwa waangalifu wa utaratibu tutakaoutumia. Msuguano wa uongozi baina ya kampuni zinazoongoza ligi na vyama vya soka nchini Afrika Kusini, Kenya na Uganda zilitufanya kuamua kuwa tusijiingize katika utaratibu wa kuwa na kampuni kama chombo cha kusimamia Ligi Kuu nchini bila ya kufanya utafiti wa kina.
Hivyo tukaiomba tena FIFA itusaidie Semina kwa ajili ya utaratibu utakaofaa, ikiwa na kuuagalia utaratibu unaotumika nchini Ujerumani (The Bundesliga Model) pamoja na miundo mengine ili tuafikiane juu ya utatibu unaofaa. Ipo haja pia ya kuangalia utaratibu unaotumiwa na nchi nyingine barani Afrika kama Ghana, Ivory Coast, Algeria, Tunisia, Misri na hata Sudan ambazo zina klabu zinazofanya vizuri katika mashindano ya Afrika.
Lakini tuliafikiana kuwa wakati tukifanya utafiti huo hadi kuafikiana, ni vyema tukaanza kuisimamia Ligi Kuu yetu bila kuichanganya na mashindano mengine haraka iwezekanavyo. Tukaamua tuanze kwa kuunda Kamati ya Ligi Kuu itakayojumuisha kwa kiasi kikubwa wawakilishi wa klabu za Ligi hiyo na kuipa majukumu yote ya usimamizi.
Kabla ya kutekeleza uamuzi huu, Kamati ya Utendaji iliomba na kupata ridhaa ya Mkutano Mkuu wa TFF wa 2010, kwa mujibu wa Katiba ya TFF. Hatimaye, majina ya wajumbe wa Kamati na majukumu ya Kamati kupitishwa na Kamati ya Utendaji katika kikao chake cha tarehe 27 Oktoba 2011.
Kwa maneno mengine, hatua iliyochukuliwa wiki iliyopita ni utelelezaji wa maagizo ya Mkutano Mkuu. Majina ya wajumbe wa Kamati na Majukumu yake yameambatanishwa. Ukiangalia majina ya wajumbe wa Kamati, utaona kuwa wote wametokana kwa namna moja au nyingine na klabu za Ligi Kuu na wanauelewa mkubwa sana wa mahitaji na matakwa ya klabu za Ligi Kuu na mchezo wa mpira kwa jumla.
Pia wapo wawakilishi wa klabu za Daraja la Kwanza kwa ajili ya kutoa michango juu ya mahitaji na matakwa ya klabu hizo. Kamati imepewa majukumu yote ambayo chombo chochote kile kitakachoamuliwa hapo baadae kitapewa. Kamati imepewa miaka miwili kutekeleza majukumu yake. Kipindi hiki kinachukuliwa kuwa cha mpito kuelekea mfumo/utaratibu muafaka wa kuisimamia Ligi Kuu.
Nimekuwa nikifuatilia mjadala huu kwa karibu sana kutokana na umuhimu wa suala hili kwa maendeleo ya mpira wetu. Mara nyingi imekuwa ikiwekwa kana kwamba upo uwezekano wa Ligi Kuu kuendeshwa nje ya mamlaka ya TFF.
Ni vyema wadau na wapenzi wa mpira wakafahamu kuwa kwa mujibu wa Ibara ya 18 ya Katiba ya FIFA, mashindano yote au kikundi chochote cha mpira wa miguu katika nchi wanachama wa FIFA, lazima yafanywe chini ya kivuli na uangalizi wa chama mwanachama. Kwa hiyo bni vyema ikahamika kuwa chombo chochote kile tutakachokubaliana kusimamia Ligi Kuu lazime kiwe chini ya uangalizi wa TFF.
Ningependa kuwahakikisha wadau wa mpira nchini kuwa TFF itafanya kila linalowezekana kusaidia mchakato utakaotupatia chombo muafaka cha kusimamia Ligi Kuu nchini kwa faida ya mchezo wa mpira nchini.
Tuhakikisha tunakuwa na utaratibu utakaoondoa uwezekano wa msunguano wa aina yoyote kati ya chombo hicho na vingine vya TFF na kuwa utafaidisha si tu timu za Ligi Kuu na Daraja la Kwanza bali mchezo wa mpira kwa jumla.
Ni matumaini makubwa kuwa wajumbe tuliowachagua watafanya kazi waliyopewa kwa ufanisi mkubwa na watatimiza majukumu waliyopewa. Ni matarajio yangu pia kuwa wadau wa mpira watatoa ushirikiano kufanikisha azma hii muhimu kwa maendeleo ya mpira wa miguu nchini.
Leodegar C Tenga
RAIS TFF

KAZI ZA KAMATI YA KUSIMAMIA LIGI KUU
1. Kuthibitisha ratiba
2. Kuthibitisha makamishna wa mechi (match commissioners)
3. Kupitia orodha ya waamuzi
4. Kusimamia na kufuatilia utekelezaji wa majukumu ya Azimio la Bagamoyo
5. Kuhakikisha Kanuni za Ligi zinatekelezwa (Ligi Kuu na Ligi Daraja la Kwanza)
6. Kusimamia na kufuatilia Ligi Kuu na Ligi Daraja la Kwanza
7. Kuthibitisha adhabu kwa makosa ya kikanuni ambayo hayakatiwi rufani
8. Kuandaa bajeti ya Ligi Kuu na Ligi Daraja la Kwanza
9. Kufuatilia/kusimamia fedha za Ligi Kuu na Ligi Daraja la Kwanza
10. Kuandaa semina kwa ajili ya klabu
11. Kuitangaza (Marketing) Ligi Kuu
12. Kupendekeza njia muafaka kuelekea chombo muafaka cha Kusimamia Ligi
13. Kupendekeza marekebisho kwenye Kanuni

WAJUMBE WA KAMATI YA LIGI

1. Wallace Karia- Mjumbe wa Kamati ya Utendaji (TFF- Club)- Mwenyekiti
2. Said Mohamed- Azam - M/Mwenyekiti
3. Damas Ndumbaro- Mwanasheria - Mjumbe
4. Yahya Ahmed- Kagera Sugar - Mjumbe
5. Maj. Charles Mbuge- JKT Ruvu Stars - Mjumbe
6. Steven Mnguto- Coastal Union - Mjumbe
7. Geoffrey Nyange- Simba - Mjumbe
8. Seif Ahmed- Yanga - Mjumbe
9. ACP Ahmed Msangi- Polisi Dar - Mjumbe
10. Henry Kabera- Majimaji - Mjumbe

Leodegar C Tenga
RAIS TFF